Brailvi Books

(۶۵۶)۔۔۔۔۔۔ حضرتِ سیدنا بریدہ رضی اللہ تعالی عنہ فرماتے ہیں کہ میں نے اللہ عزوجل کے مَحبوب، دانائے غُیوب، مُنَزَّہ عَنِ الْعُیوب صلَّی اللہ تعالیٰ علیہ واٰلہٖ وسلّم کو فرماتے ہوئے سنا،''جس نے کسی تنگ دست کو مہلت دی تو اس کے لئے ہر روز اس قرض کی مثل صدقہ کرنے کا ثواب ہے۔'' پھر میں نے سرکارِ مدینہ صلی اللہ تعالی علیہ وآلہ وسلم کو فرماتے ہوئے سنا، ''جس نے کسی تنگ دست کو مہلت دی تو اسے روزانہ اتناہی مال دو مرتبہ صدقہ کرنے کا ثوا ب ملے گا۔'' میں نے عر ض کیا،'' یا رسول اللہ صلی اللہ علیہ وسلم!پہلے تو میں نے آپ کویہ فرماتے ہوئے سناتھا کہ جس نے کسی تنگدست کو مہلت دی اس کے لئے ہر روز اس قر ض کی مثل صدقہ کرنے کاثواب ہے ،پھر آپ صلی اللہ علیہ وسلم نے یہ فرمایاکہ جس نے کسی تنگد ست کو مہلت دی اس کے لئے ہر روزاس قر ض سے دوگنا صدقہ کرنے کا ثواب ہے ''تو رسول اللہ صلی اللہ علیہ وسلم نے فرمایا ،''اسے روزانہ قر ض کی مقدار کے برابر مال صدقہ کرنے کا ثو اب تو قر ض کی ادا ئیگی کا وقت آنے سے پہلے ملے گا،اور جب ادائیگی کا وقت ہوگیا پھر اس نے قر ضد ار کو مہلت دی تو اسے روزانہ اتنا مال دو مرتبہ صدقہ کرنے کاثوا ب ملے گا ۔''

    ایک روایت میں ہے کہ'' جس نے قر ض کی ادا ئیگی کے وقت سے پہلے تنگدست کو مہلت دی اسے رو زانہ اتنامال صدقہ کرنے کا ثوا ب ملے گا اور جس نے وقتِ ادائیگی کے بعد مہلت دی اسے روزانہ اس سے دُگنا مال صدقہ کرنے کا ثوا ب ملے گا ۔''