Brailvi Books

(۶۱۹)۔۔۔۔۔۔ حضرتِ سیدنا کُدَیرضبی رضی اللہ تعالی عنہ فرماتے ہیں کہ ایک اعرابی نے آقائے مظلوم، سرورِ معصوم، حسنِ اخلاق کے پیکر،نبیوں کے تاجور، مَحبوبِ رَبِّ اکبرصلَّی اللہ تعالیٰ علیہ واٰلہٖ وسلّم کی بارگاہ میں حاضر ہو کر عرض کیا، ''مجھے ایسا عمل بتایئے جو مجھے جنت کے قریب اور جہنم سے دور کر دے۔'' تو آپ صلی اللہ علیہ وسلم نے فرمایا ،''کیا یہ دونوں باتیں تمہیں عمل پر اُبھار تی ہیں؟ ''اس نے کہا ،''جی ہاں۔'' فرمایا،'' حق بات کہو اور جو زائد چیز تمہارے پاس ہو وہ کسی کو عطا کردیا کرو۔''اس شخص نے عرض کیا، ''خدا کی قسم !میں ہر وقت حق بولنے کی استطاعت نہیں رکھتا اور نہ ہی زائد چیز عطا کردینے کی طاقت رکھتاہو ں۔'' فرمایا، ''تو محتاجوں کو کھانا کھلادیا کرواور سلام کو عام کرو۔'' 

    اس نے عرض کیا ،''یہ بھی مشکل ہے۔'' ارشاد فرمایا، ''کیاتمہارے پاس اونٹ ہے؟'' اس نے عر ض کیا،''جی ہاں۔'' فرمایا ،''اپنے اونٹوں میں سے کوئی جوان اونٹ اور پانی کا مشکیزہ ساتھ لو اور پھر ایسا گھرا نہ دیکھو جو ایک دن چھوڑ کر دو سرے دن پانی پیتا ہو پھر اسے پانی پلا ؤ تونہ تیرا اونٹ ہلاک ہوگا ا ور نہ تیرا مشکیزہ پھٹے گا اور تیرے لئے جنت واجب ہوجائے گی۔'' پھروہ اعرابی تکبیر پڑھتے ہوئے چلاگیا تو اس کے اونٹ کے ہلا ک ہونے اور مشکیزہ پھٹنے سے پہلے ہی اسے شہید کردیا گیا ۔''