Brailvi Books

جنت میں لے جانے والے اعمال

229 - 736

اللہ تعالیٰ علیہ واٰلہٖ وسلّم نے فرمایا،''اللہ عزوجل کے نزدیک سب سے پسندیدہ اعمال یہ ہیں کہ تو کسی مسلمان کے دل میں خوشی داخل کردے یا اس کی ایک پریشا نی دور کرے یا اسکی بھوک مٹاد ے یااس کا قرض ادا کردے۔ ''

(التر غیب والترہیب، کتاب البرد الصلۃ ، باب، التر غیب فی قضاء حوائج المسلین، رقم ۱۹ ج۳، ص ۲۶۵)

(۶۱۳)۔۔۔۔۔۔ حضرتِ سیدنا جعفر عبدی اور حضرت سیدناحسن رضی اﷲ تعالی عنہماسے روایت ہے کہ نور کے پیکر، تمام نبیوں کے سَرْوَر، دو جہاں کے تاجْوَر، سلطانِ بَحرو بَرصلَّی اللہ تعالیٰ علیہ واٰلہٖ وسلّم نے فرمایا، ''اللہ عزوجل ملائکہ کے سامنے اپنے ان بندوں پر فخر کرتاہے جو لوگوں کو کھانا کھلاتے ہیں۔''

   (الترغیب والترہیب، کتاب الصدقات، با ب التر غیب فی اطعا م الطعام الخ، رقم ۲۱، ج۲ ،ص ۳۸)

(۶۱۴)۔۔۔۔۔۔ حضرتِ سیدنا عبداللہ بن عمرو رضی اﷲ تعالی عنہما سے روایت ہے کہ شہنشاہِ خوش خِصال، پیکرِ حُسن وجمال، دافِعِ رنج و مَلال، صاحب ِجُودو نوال، رسولِ بے مثال، بی بی آمنہ کے لال صلَّی اللہ تعالیٰ علیہ واٰلہٖ وسلّم نے فرمایا، ''جس نے اپنے بھائی کو پیٹ بھر کر کھانا کھلایا اور اسے پانی سے سیرا ب کیاتواللہ عزوجل اسے جہنم سے سات خندقیں دور کردے گا اور ان میں سے دو خندقوں کے درمیان پانچ سو برس کافاصلہ ہو گا۔''

    حضرتِ سیدنا علی بن ابو طالب رضی اللہ تعالی عنہ فرماتے ہیں ،''میں ایک یا دو صاع کھانے پر اپنے بھائیوں کو جمع کروں یہ مجھے بازارمیں جاکر ایک غلام خرید کر اسے آزاد کرنے سے زیادہ پسند ہے اورحضرتِ سیدنا حسن بن علی رضی اللہ تعالی عنہما فرماتے ہیں کہ'' میں اللہ عزوجل کے لئے اپنے کسی مسلمان بھائی کو ایک لقمہ کھلاؤ ں یہ میرے نزدیک کسی مسکین پر ایک درہم صدقہ کر نے سے زیادہ پسندیدہ ہے۔''