ترجمہ کنزالایمان : اور اپنی جانو ں پر ان کو ترجیح دیتے ہیں اگر چہ انہیں شد ید محتاجی ہو اور جو اپنے نفس کے لالچ سے بچایاگیا تو وہی کامیاب ہیں۔'' (پ 28 ، الحشر :9 )
(۵۶۷)۔۔۔۔۔۔ حضرتِ سیدنا ابو ہریرہ رضی اللہ تعالی عنہ سے روایت ہے کہ شہنشاہِ مدینہ،قرارِ قلب و سینہ، صاحبِ معطر پسینہ، باعثِ نُزولِ سکینہ، فیض گنجینہ صلَّی اللہ تعالیٰ علیہ واٰلہٖ وسلّم نے فرمایا، ''ایک درہم ایک لاکھ دراہم پر سبقت لے گیا۔'' تو ایک شخص نے عرض کیا، ''یارسول اللہ صلی اللہ علیہ وسلم!وہ کیسے؟'' ارشاد فرمایا ،''ایک شخص کے پاس کثیر مال ہو اوروہ اپنے مال میں سے ایک لاکھ درہم اٹھائے اورانہیں صدقہ کردے جبکہ دو سرے شخص کے پا س صرف دو درہم ہوں، پھروہ ان میں سے ایک درہم اٹھائے اور اسے صدقہ کردے۔''
