Brailvi Books
 |
جنت میں لے جانے والے اعمال |
213 - 736
(۵۶۴)۔۔۔۔۔۔ حضرتِ سیدتنا مَیْمُونَہ بنت سعد رضی اللہ تعالی عنہا فرماتی ہیں کہ میں نے سرکارِ والا تَبار، ہم بے کسوں کے مددگار، شفیعِ روزِ شُمار، دو عالَم کے مالک و مختار، حبیبِ پروردگارصلَّی اللہ تعالیٰ علیہ واٰلہٖ وسلّم سے عرض کیا،'' یارسول اللہ صلی اللہ علیہ وسلم ! ہمیں صدقے کے بارے میں بتایئے ؟''فرمایا،''جو اللہ عزوجل کی رضا کے لئے اجر وثواب کی امید پر صدقہ دیتاہے تو یہ صدقہ اس کے لئے جہنم سے حجاب ہو جاتاہے۔''
(طبرانی کبیر، رقم ۶۲،ج ۲۵، ص۳۵ )
(۵۶۵)۔۔۔۔۔۔ حضرتِ سیدنا حسن بن ابوالحسن رضی اللہ تعالی عنہ سے روایت ہے کہ آقائے مظلوم، سرورِ معصوم، حسنِ اخلاق کے پیکر،نبیوں کے تاجور، مَحبوبِ رَبِّ اکبرصلَّی اللہ تعالیٰ علیہ واٰلہٖ وسلّم نے فرمایا، اللہ تعالی فرماتا ہے: ''اے ابن آدم ! اپنے مال میں سے کچھ حصہ میرے پاس بھیج ، نہ یہ جلے گا نہ غرق ہوگا اور نہ ہی چوری ہوگا ۔ میں تجھے اس میں سے تیری حاجت کے مطابق عطا کروں گا۔''
(بیہقی، شعب الایمان ،باب فی الزکاۃ /التحریض علی صدقۃ التطو ع ،رقم ۳۳۴۲ ،ج ۳، ص ۲۱۱ )