Brailvi Books
 |
جنت میں لے جانے والے اعمال |
209 - 736
دینے پر بھی تیرا شکر ہے۔'' اس نے پھرکہا کہ میں صدقہ دوں گا اور اپنا صدقہ لے کر نکلا اور ایک غنی کے ہاتھ پر رکھ آیا۔ پھر صبح کو کہا جانے لگا کہ گزشتہ رات ایک غنی کو صدقہ دے دیا گیا ۔تو اس نے کہا''اے اللہ عزوجل!غنی ،چوراور زانیہ کو صدقہ دینے پر تیرا شکر ہے۔'' پھر اس کے پاس ایک آنے والا آیا اور اس سے کہا،'' جو صدقہ تم نے چور کو دیا شاید اس کی وجہ سے وہ چوری سے باز آجائے اور جو صدقہ تم نے زانیہ کو دیا شاید اس کی وجہ سے وہ اپنے زنا سے باز آجائے اور جو صدقہ تم نے غنی کو دیا شاید وہ اس سے عبرت پکڑے اور اللہ عزوجل کے عطا کئے ہوئے مال سے خرچ کرنے لگے۔ ''اور ایک روایت میں ہے کہ اس سے کہا گیا کہ تیرا صدقہ قبول ہوگیا۔
(بخاری ، کتاب الزکاۃ،باب اذا تصدق علی غنی، رقم ۱۴۲۱،ج۱، ص ۴۷۹ )
(۵۴۶)۔۔۔۔۔۔ حضرتِ سیدنا ابن مسعود رضی اللہ تعالی عنہ سے روایت ہے کہ نور کے پیکر، تمام نبیوں کے سَرْوَر، دو جہاں کے تاجْوَر، سلطانِ بَحرو بَرصلَّی اللہ تعالیٰ علیہ واٰلہٖ وسلّم نے فرمایا، ''تم میں سے کون ہے جسے اپنے وارث کا مال اپنے مال سے زیادہ پسند ہے ''۔ صحابہ کرام علیہم الرضوان نے عرض کیا،''یارسول اللہ صلی اللہ علیہ وسلم !ہم میں سے ہر ایک کو اپنا مال زیا دہ پسند ہے۔'' فرمایا ،''تمہارامال تو وہ ہے جسے تم آگے بھیج چکے (یعنی صدقہ کر چکے)اور جو تم نے چھوڑا وہ تو وارث کامال ہے ۔''
(بخاری، کتاب الرقاق ،باب ماقدم من مالہ فھولہ، رقم ۶۴۴۲ ، ج۴، ص ۲۳۰ )