(۵۳۹)۔۔۔۔۔۔ حضرتِ سیدنا ابوہریرہ رضی اللہ تعالی عنہ فرماتے ہیں کہ نور کے پیکر، تمام نبیوں کے سَرْوَر، دو جہاں کے تاجْوَر، سلطانِ بَحرو بَرصلَّی اللہ تعالیٰ علیہ واٰلہٖ وسلّم نے صدقہ دینے والے اوربخیل کی مثال کو بیان کرتے ہوئے ارشاد فرمایا، ''ان دونوں کی مثال ان دوشخصوں کی طرح ہے جنہوں نے لوہے کی دو زرہیں پہن رکھی ہوں جو ان کے سینے سے ہنسلی کی ہڈی تک ہوں ۔ تو صدقہ دینے والا جب صدقہ دینے کاارادہ کرتا ہے تواس کی زرہ کھل جاتی ہے اور وہ اپنی خواہش پوری کرلیتا ہے اور بخیل جب صدقہ دینے کاارادہ کرتا ہے تواس کی زرہ سکڑ کراس کوچمٹ جاتی ہے اور ہر کڑی اپنی جگہ پیوست ہو جاتی ہے۔ ''حضرتِ سیدنا ابوہریرہ رضی اللہ تعالی عنہ فرماتے ہیں کہ میں نے رسول اللہ صلی اللہ تعالی علیہ وآلہ وسلم کو اپنی انگلیاں اپنے گریبان میں ڈال کرگریبان کو کشادہ کرتے ہوئے دیکھا مگر وہ کشادہ نہ ہوا،فرمایا:'' اس طرح۔''
