(۵۰۵) ۔۔۔۔۔۔ حضرتِ سیدنا ابن عباس رضی اللہ تعالی عنہ فرماتے ہیں کہ میں نے آقائے مظلوم، سرورِ معصوم، حسنِ اخلاق کے پیکر،نبیوں کے تاجور، مَحبوبِ رَبِّ اکبرصلَّی اللہ تعالیٰ علیہ واٰلہٖ وسلّم کو فرماتے ہوئے سناکہ،''میری امت میں سے جس کے دوبچے پیشوائی کرنے والے ہونگے (یعنی فوت ہوچکے ہوں گے)،اﷲ عزوجل انکے سبب اسے جنت میں داخل فرمائے گا ۔''ام المومنین حضرتِ سیدتنا عائشہ صدیقہ رضی اﷲ تعالی عنہا نے عرض کیا،'' اور جس کاایک بچہ پیشو ائی کے لیے گیاہو؟''تو ارشادفرمایا،'' اسکابچہ بھی اس کی پیشوائی کریگا۔''آپ نے پھر عرض کیا ،''آپ صلی اللہ علیہ وسلم کی امت میں جس کی پیشوائی کیلئے کوئی نہ ہوتو؟'' فرمایا ،''تو میں ان کی پیشوائی کروں گا اور وہ میرے جیسا پیشواء ہرگز نہ پاسکیں گے۔ ''
