(۴۹۱) ۔۔۔۔۔۔حضرتِ سیدنا ابوہریرہ رضی اللہ تعالی عنہ فرماتے ہیں کہ ایک شخص نے سرکارِ والا تَبار، ہم بے کسوں کے مددگار، شفیعِ روزِ شُمار، دو عالَم کے مالک و مختار، حبیبِ پروردگارصلَّی اللہ تعالیٰ علیہ واٰلہٖ وسلّم کی بارگاہ میں حاضر ہو کر عرض کیا'' آپ صلی اللہ علیہ وسلم کیا فرماتے ہیں کہ اگرکوئی میرا مال لوٹنا چاہے؟(تو میں کیا کروں)'' ارشادفرمایا، ''اسے اپنا مال مت دو۔''اس نے عرض کیا،'' اگر وہ میرے ساتھ قتال کرے تو؟'' فرمایا،'' تم بھی اس کے ساتھ قتال کرو۔'' اس نے عرض کیا ،''اگر اس نے مجھے قتل کردیاتو؟'' فرمایا ،'' تم شہید ہو ۔'' اس نے دوبارہ عرض کیا ،''اگر میں نے اسے قتل کردیا تو؟'' فرمایا ،''تو وہ جہنم میں ہے۔ ''
