پڑھااور فرمایا ،''اے ابو ربیع! ہم تجھ سے پیچھے رہ گئے۔ ''تو عورتیں چیخ چیخ کر رونے لگیں۔جب حضرتِ سیدنا ابن عتیک رضی اللہ عنہ ان عورتوں کو خاموش کرانے لگے تو نبی کریم صلی اللہ تعالی علیہ وآلہ وسلم نے ان سے فرمایا کہ ''انہیں چھوڑ دو، جب واجب ہو تو پھرکوئی رونے والی نہ روئے۔ ''صحابہ کرام رضی اللہ تعالی عنہم نے عرض کی'' وجوب سے کیا مراد ہے ؟'' فرمایا ''موت۔ '' ان کی بیٹی نے کہا ،''خدا کی قسم ! میں امید کرتی ہوں کہ تم شہید ہو کیونکہ تم جہاد کی تیاری کرچکے تھے ۔''
تو نبی کریم صلی اللہ تعالی علیہ وآلہ وسلم نے فرمایا،'' اﷲ عزوجل نے انہیں ان کی نیت کے مطابق ثواب عطا فرمادیا ہے اور تم شہادت کسے کہتے ہو ؟'' صحابہ کرام نے عرض کیا ، ''اﷲ عزوجل کی راہ میں مارے جانے کو۔'' تو نبی کریم صلی اللہ تعالی علیہ وآلہ وسلم نے ارشاد فرمایا،'' اﷲ عزوجل کی راہ میں مارے جانے کے علاوہ بھی سات شہادتیں ہیں ،(۱) پیٹ کی بیماری میں مبتلاء ہو کر مرنے والا شہید ہے(۲) سمندر میں ڈوب کر مرنے والا شہید ہے (۳) نمونیہ میں مبتلا ہو کر مرنے والا شہید ہے(۴) اور ملبے تلے دب کر مرنے والا شہید ہے(۵) اور مرنے والی حاملہ عورت شہید ہے ۔