(۴۸۱) ۔۔۔۔۔۔ اُم المومنین حضرتِ سیدتنا عائشہ صدیقہ رضی اللہ تعالی عنہا فرماتی ہیں کہ میں نے شہنشاہِ مدینہ،قرارِ قلب و سینہ، صاحبِ معطر پسینہ، باعثِ نُزولِ سکینہ، فیض گنجینہ صلَّی اللہ تعالیٰ علیہ واٰلہٖ وسلّم سے طاعون کے بارے میں سوال کیا تو فرمایا،'' یہ ایک عذاب ہے جسے اللہ عزوجل تم سے پچھلی امتوں پر بھیجاکرتا تھا پھر اللہ عزوجل نے اسے مؤمنین کے لئے رحمت بنادیا لہذا جو بندہ کسی شہر میں ہو اور وہاں طاعون کی وباء پھیل جائے تو وہ وہیں ٹھہرا رہے او ر صبر کرے اور ثواب کی امید کرتے ہوئے اس شہر سے نہ نکلے اور یہ ذہن نشین رکھے کہ جو کچھ اللہ عزوجل نے اس کے لئے لکھ دیا ہے 'اسے پہنچ کر رہے گا تو اسے ایک شہید کا ثواب دیا جائے گا ۔''
