Brailvi Books

(ابن ماجہ ، کتاب الجنائز ، رقم۱۶۱۳،ج۲،ص۲۷۵)

(۴۷۹) ۔۔۔۔۔۔ ہارون بن عَنْتَرہ رضی اللہ تعالی عنہ اپنے والد سے روایت کرتے ہیں کہ آقائے مظلوم، سرورِ معصوم، حسنِ اخلاق کے پیکر،نبیوں کے تاجور، مَحبوبِ رَبِّ اکبرصلَّی اللہ تعالیٰ علیہ واٰلہٖ وسلّم نے ایک دن فرمایا، '' تم شہید کسے شمار کرتے ہو؟'' ہم نے عرض کیا ،''یارسو ل اللہ صلی اللہ علیہ وسلم !اسے جو اللہ عزوجل کی راہ میں مارا جائے ۔'' فرمایا،'' اس طرح تو میری امت میں شہید بہت کم ہوں گے۔''(پھر فرمایا)'' جو اللہ عزوجل کی راہ میں قتل کیا جائے وہ شہید ہے اورجو بلندی سے گرکر مر ے وہ شہید ہے اور دردِ زہ سے مرجانے والی عورت شہید ہے اور سمندر میں ڈوب جانے والا شہید ہے سُل (یعنی پھیپھڑوں میں زخم ہوجانے) کی بیماری میں مبتلاہوکر مرنے والا شہید ہے اور جل کر مرجانے والا شہید ہے اور غریب الوطنی میں مر جانے والا شہید ہے ۔''

 (مجمع الزوائد ، کتاب الجنائز ، رقم۹۵۵۴،ج۵،ص۵۴۶ )