Brailvi Books
 |
جنت میں لے جانے والے اعمال |
179 - 736
(۴۶۱) ۔۔۔۔۔۔ حضرتِ سیدنا عامر بن ربیعہ رضی اﷲ تعالی عنہ سے روایت ہے کہ خاتِمُ الْمُرْسَلین، رَحْمَۃُ الِّلْعٰلمین، شفیعُ المذنبین، انیسُ الغریبین، سراجُ السالکین، مَحبوبِ ربُّ العلمین، جنابِ صادق و امين صلَّی اللہ تعالیٰ علیہ واٰلہٖ وسلّم نے فرمایا، ''جب بندہ مرجاتاہے اور اللہ عزوجل اس کی برائی کو جانتاہے جبکہ لوگ(اپنے علم کے مطابق) اس کی بھلائی بیان کرتے ہیں تو اللہ عزوجل اپنے ملائکہ سے فرماتا ہے،'' بیشک میں نے اپنے بندوں کی گواہی اپنے اس بندے کے حق میں قبول فرمالی اور اس کے جو گناہ میرے علم میں ہیں معاف فرمادئیے۔''
(مجمع الزوائد، کتاب الجنائز،باب الثناء علی المیت، رقم ۳۹۶۰،ج ۳، ص ۸۴)
تعزیت کرنے کا ثواب
(۴۶۲)۔۔۔۔۔۔ حضرتِ سیدنا عبداللہ رضی اﷲ تعالی عنہ سے روایت ہے کہ تاجدارِ رسالت، شہنشاہِ نُبوت، مَخْزنِ جودوسخاوت، پیکرِ عظمت و شرافت، مَحبوبِ رَبُّ العزت،محسنِ انسانيت صلَّی اللہ تعالیٰ علیہ واٰلہٖ وسلّم نے فرمایا، ''جو کسی مصیبت زدہ سے تعزیت کریگا اس کے لئے اس مصیبت زدہ جتنا ثواب ہے ۔''