ترجمہ کنزالایمان :اے ایمان والوجب نما ز کی اذان ہوجمعہ کے دن تو اللہ کے ذکر کی طر ف دوڑو اور خرید وفروخت چھوڑدو یہ تمہارے لئے بہتر ہے اگرتم جانو۔(پ28 ، الجمعہ: 9)
(۴۲۴) ۔۔۔۔۔۔ حضرتِ سیدنا یزید بن ابی مریم رضی اللہ تعالی عنہ فرماتے ہیں کہ جمعہ کی نماز کے لئے جاتے ہوئے میری ملاقات حضرت عَبَایہ بن رفاعہ رضی اللہ تعالی عنہ سے ہوئی تو انہوں نے کہا ،''خوشخبری سن لوکہ تمہاری یہ آمد ورفت اللہ عزوجل کی راہ میں ہے کہ میں نے ابوعُبَیْس رضی اللہ عنہ کو فرماتے ہوئے سنا کہ سرکارِمدینہ صلی اللہ تعالی علیہ وآلہ وسلم نے فرمایا،''جو قدم راہ خدا عزوجل میں گرد آلود ہوجائیں وہ جہنم پرحرام ہیں ۔''
جبکہ بخاری شریف کی روایت میں ہے کہ حضرتِ سیدنا عبایہ رضی اللہ تعالیٰ عنہ نے فرمایا کہ'' میں نماز جمعہ کے لئے جا رہا تھاتو راستے میں میری ملاقات حضرتِ سیدنا ابو عُبَیس رضی اللہ تعالی عنہ سے ہوئی ۔انہوں نے فرمایاکہ میں نے رسول ِاکرم صلی اللہ تعالی علیہ وآلہ وسلم کو فرماتے ہوئے سنا ،''جس کے قدم راہِ خدا عزوجل میں گرد آلود ہوجائیں اس پر جہنم کی آگ حرام کردی جاتی ہے۔''
اور ایک روایت میں ہے کہ جس کے قدم راہ خدا عزوجل میں گر د آلود ہوجائیں اسے جہنم کی آگ نہ چھو سکے گی۔''
