Brailvi Books
 |
جنت میں لے جانے والے اعمال |
139 - 736
پسینہ، باعثِ نُزولِ سکینہ، فیض گنجینہ صلَّی اللہ تعالیٰ علیہ واٰلہٖ وسلّم کو فرماتے ہوئے سنا کہ'' میری امت میں سے جو شخص رات کو بیدار ہوکر اپنے نفس کو طہارت کی طرف مائل کرتاہے حالانکہ اس پر شیطان گرہیں لگاچکاہوتاہے توجب وہ اپنے ہاتھ دھوتاہے تو ایک گرہ کھل جاتی ہے، جب وہ چہرہ دھوتاہے تو دوسری گرہ کھل جاتی ہے، جب وہ اپنے سر کا مسح کرتاہے تو تیسری گرہ کھل جاتی ہے جب وہ اپنے پاؤں دھوتاہے تو چوتھی گرہ کھل جاتی ہے تو اللہ عزوجل حجاب کے پیچھے موجود فرشتوں سے فرماتاہے کہ'' میرے اس بندے کو دیکھو جو اپنے نفس کو مجھ سے سوال کرنے پر مائل کرتاہے یہ بندہ مجھ سے جو کچھ مانگے گاوہ اسے عطا کردیا جائے گا۔''
(الاحسان بترتیب صحیح ابن حبا ن ، کتاب الطھارۃ ، باب فضل الوضوء ،رقم ۱۱۴۹ ،ج ۲، ص ۱۹۴)
(۳۵۵)۔۔۔۔۔۔ حضرتِ سیدنا جابر رضی اللہ تعالی عنہ سے روایت ہے کہ میں نے نور کے پیکر، تمام نبیوں کے سَرْوَر، دو جہاں کے تاجْوَر، سلطانِ بَحرو بَرصلَّی اللہ تعالیٰ علیہ واٰلہٖ وسلّم کو فرماتے ہو ئے سنا،''بے شک رات میں ایک ایسی ساعت ہے کہ اس گھڑی میں مسلمان بندہ جب اللہ عزوجل سے دنیا وآخرت کی کوئی بھلائی طلب کرتاہے تو اللہ عزوجل ا سے وہ بھلائی ضرور عطا فرماتاہے اوریہ ساعت ہر رات میں ہوتی ہے ۔''
(صحیح مسلم ، کتا ب صلوۃ المسافرین وقصرھا ، با ب فی اللیل ساعۃ مستجاب فیھا الدعا ء ، رقم ۷۵۷،ص ۳۸۰)