Brailvi Books
 |
جنت میں لے جانے والے اعمال |
128 - 736
ایک گھربنائے گا یا اس کے لئے جنت میں ایک گھر بنایا جائے گا۔ ''جبکہ ایک روایت میں یہ اضافہ ہے ''چار رکعتیں ظہر سے پہلے اور دو رکعتیں ظہرکے بعد اور دو رکعتیں مغرب کے بعد اور دو رکعتیں عشاء کے بعد اور دو رکعتیں فجر سے پہلے۔''
(صحیح مسلم ،کتاب صلوۃ المسافرین ، باب فضل السنن الراتبۃ الخ ، رقم ۷۲۸ ،ص۲۶۷)
فجر کی سنتیں ادا کرنے کا ثواب
(۳۲۳)۔۔۔۔۔۔ ام المومنین حضرتِ سیدتنا عائشہ صدیقہ رضی اللہ تعالی عنہا سے روایت ہے کہ تاجدارِ رسالت، شہنشاہِ نُبوت، مَخْزنِ جودوسخاوت، پیکرِ عظمت و شرافت، مَحبوبِ رَبُّ العزت،محسنِ انسانيت صلَّی اللہ تعالیٰ علیہ واٰلہٖ وسلّم نے فرمایا کہ ''فجر کی دو رکعتیں دنیا اور جو کچھ اس دنیامیں ہے، سب سے بہتر ہيں۔''اورایک روایت میں ہے کہ ''یہ دو رکعیتں مجھے ساری دنیا سے زیادہ محبوب ہیں۔ ''