Brailvi Books

    نماز کا اختیار ملنے سے مراد یہ ہے کہ طلوع شمس کے بعد جب تک سورج بلند نہ ہوجائے نماز ادا کرنا مکروہ ہے اور یہاں کراہت کے وقت کا گزرجانا مراد ہے۔

(۳۰۵)۔۔۔۔۔۔ امیرالمومنین حضرتِ سیدنا عمر بن خطاب رضی اللہ تعالی عنہ فرماتے ہیں کہ اللہ عزوجل کے مَحبوب، دانائے غُیوب، مُنَزَّہ عَنِ الْعُیوب صلَّی اللہ تعالیٰ علیہ واٰلہٖ وسلّم نے ایک لشکرکو نجد کی جانب بھیجا وہ بہت سا مال غنیمت لئے جلدی لَوٹ آیا تو ہم میں سے ایک شخص نے کہاکہ ''ہم نے اس گروہ سے زیا دہ جلدی لوٹنے اور کثرت سے مال غنیمت لانے والا لشکرکبھی نہیں دیکھا ۔''تو نبی کریم صلی اللہ تعالی علیہ وآلہ وسلم نے فرمایا '' کیا میں تمہیں ایسی قوم کے بارے میں نہ بتاؤ ں جو اس سے زیادہ مال غنیمت حاصل کرلیتی اور جلدی لوٹ آتی ہے یہ وہ قوم ہے جو فجر کی نماز میں حاضر ہوتی ہے پھر طلوعِ شمس تک بیٹھ کر اللہ عزوجل کا ذکر کرتی ہے یہی وہ قوم ہے جو جلدی لوٹنے اور زیادہ غنیمت والی ہے ۔''