Brailvi Books
 |
جنت میں لے جانے والے اعمال |
109 - 736
اس کے فرشتے( کراماً کاتبین) اس کے مسجد کی طرف آتے ہوئے اٹھنے والے ہر قد م کے عوض دس نیکیاں لکھتے ہیں اور بیٹھ کرنَماز کا انتظار کرنے والا نَماز پڑھنے والے کی طر ح ہے اور اسے گھر سے نکلتے ہی لوٹنے تک نَمازی شمار کیا جاتا ہے ۔ ''
(مسند احمد ، مسندالشامیین/ حدیث عُقْبَہ بن عا مر ، رقم ۱۷۴۴۵ ، ج۶ ،ص ۱۴۶)
(۲۵۷)۔۔۔۔۔۔ حضرتِ سیدنا سَعِیْد بن مسیب رضی اللہ تعالی عنہ فرماتے ہیں کہ جب ایک انصاری صحابی رضی اللہ عنہ کی موت کا وقت قریب آیا تو فرمانے لگے کہ میں تمہیں فقط حصولِ ثواب کی نیت سے ایک حدیث سنا تا ہو ں، میں نے رسول اللہ صلَّی اللہ تعالیٰ علیہ واٰلہٖ وسلّم کو فرماتے ہوئے سنا کہ'' تم میں سے جو کامل وضو کرے اور مسجد کی طرف چلے تو دایاں قدم اٹھانے پراللہ عزوجل اس کے لئے ایک نیکی لکھتا ہے اور بایاں قدم رکھنے پر اللہ عزوجل اس کا ایک گناہ مٹا دیتا ہے، اب تمہاری مرضی کہ تم مسجد سے قریب رہویا دور۔ پھر جب وہ مسجد میں آتا ہے اور باجماعت نَماز ادا کرتا ہے تو اس کے گناہ معاف کردئیے جاتے ہیں،پھر اگر وہ مسجد میں حاضر ہو اور اس کی بعض رکعتیں نکل چکی ہوں اور بعض باقی رہ گئی ہوں اسے چاہيے کہ جو رکعتیں وہ پاسکے امام کے ساتھ پڑھ لے اور باقی رکعتیں مکمل کرلے تو بھی اس کی مغفرت کردی جاتی ہے، اوراگر وہ مسجد میں (جماعت سے نماز پڑھنے کی نیت سے)حاضر ہوالیکن جماعت ہو چکی ہو تو اسے چاہيے کہ اپنی نَماز ادا کرلے کہ اس کے لئے بھی یہی بشارت ہے ۔''
(مسلم، کتاب الصلوۃ ،باب ماجاء فی الھد ی فی المشی الی الصلوۃ ،رقم ۵۶۳ ، ج ۱ ،ص ۲۳۳)