ترجمہ کنزالایمان :تو اللہ کے ذکر کی طر ف دوڑو او رخرید وفروخت چھوڑدویہ تمہارے لئے بہتر ہے اگر تم جا نو۔(پ 28 ، الجمعہ: 9)
(۲۵۳)۔۔۔۔۔۔ حضرتِ سیدنا ابو ہریرہ رضی اللہ تعالی عنہ سے روایت ہے كہ سرکارِ والا تَبار، ہم بے کسوں کے مددگار، شفیعِ روزِ شُمار، دو عالَم کے مالک و مختار، حبیبِ پروردگارصلَّی اللہ تعالیٰ علیہ واٰلہٖ وسلّم نے فرمایا،'' جس نے کامل وضو کیا اور نَماز کے ارادے سے چلاتو جب تک اس کی نَماز کی نیت باقی ہے وہ نَماز ہی میں ہے اور اس کے پہلے قدم کے عوض ایک نیکی لکھی جائے گی اور دوسرے قدم کے عوض ایک گناہ مٹا دیا جائے گا۔ جب تم میں سے کوئی اقامت سنے تو ہر گز تیز قدم نہ چلے اور بے شک تم سے زیادہ ثواب والا وہ ہے جس کا گھر مسجد سے زیادہ دور ہے۔'' صحابہ کرام علیہم الرضوان نے(راوی سے) پوچھا،''اے ابوہریرہ رضی اللہ عنہ! ایسا کیوں ہے؟ ''فرمایا ،''زیادہ قدم چلنے کی وجہ سے۔''
ایک اور روایت میں ہے کہ جو اپنے گھر سے وضو کرکے اللہ عزوجل کے فرائض میں سے کسی فرض نَماز کی ادائیگی کے لئے کسی مسجد کی طرف چلا تو اس کا ایک قدم چلنا ایک گنا ہ مٹا دیتا ہے اور دوسرا قدم ایک درجہ بلند کردیتاہے ۔