Brailvi Books
 |
جنت میں لے جانے والے اعمال |
107 - 736
کیا،'' یا رسول اللہ ! کیا یہ سن رہی ہے؟''ارشاد فرمایا،'' تم اس سے زیادہ سننے والے نہیں ہو ۔''راوی بیان کرتے ہیں کہ پھر رسول ِاکرم صلی اللہ تعالی علیہ وآلہ وسلم نے فرمایا کہ ''اس نے میرے سوال کے جواب میں کہا ،'' مسجد کی صفائی کو۔''
(الترغیب والترہیب ،کتاب الصلوۃ، الترغیب فی تنظیف المساجد وتطھیرھا الخ ، رقم ۴ ، ج ۱، ص ۱۲۲)
(۲۴۹)۔۔۔۔۔۔ حضرتِ سیدنا ابوہریرہ رضی اللہ تعالی عنہ فرماتے ہیں کہ ایک حبشی جوان یا عورت مسجد کی صفائی کیا کرتی تھی ۔جب شہنشاہِ خوش خِصال، پیکرِ حُسن وجمال،، دافِعِ رنج و مَلال، صاحب ِجُودو نوال، رسولِ بے مثال، بی بی آمنہ کے لال صلَّی اللہ تعالیٰ علیہ واٰلہٖ وسلّم نے اسے موجودنہ پایا تو اس کے بارے میں پوچھا ۔صحابہ کرام علیھم الرضوان نے عرض کیا ،''وہ تو فوت ہوگئی ۔''فرمایا ،''کیا تم مجھے اس کی خبر نہیں دے سکتے تھے؟'' راوی کہتے ہیں شاید صحابہ کرام علیہم الرضوان نے اس معاملے کو چھوٹا سمجھتے ہوئے حضور صلی اللہ تعالی علیہ وآلہ وسلم کو اس کی خبر نہ دی ۔پھر حضور صلی اللہ تعالی علیہ وآلہ وسلم نے فرمایا کہ ''مجھے اس کی قبر پر لے چلو ۔''صحابہ کرام علیہم الرضوان آپ صلی اللہ تعالی علیہ وآلہ وسلم کو اس کی قبر پر لے آئے تو حضور صلی اللہ تعالی علیہ وآلہ وسلم نے اس کی نَماز جنازہ ادا فرمائی پھر فرمایا،'' بے شک یہ قبریں اندھیرے سے بھری ہوئی تھیں،بےشک اللہ عزوجل میرے ان پرنَماز پڑھنے کے سبب ان قبروں کو منور فرمادے گا۔''
(صحیح مسلم ، کتاب الصلوۃ ، باب الصلوۃ علی القبر، رقم ۹۵۶، ج ۱ ،ص ۴۷۶ بتغیر قلیل)