Brailvi Books

(سنن ابن ماجہ ، کتا ب اقامۃ الصلوۃ ، باب ماجاء فی الصلوۃ فی مسجد قباء ،رقم ، ۱۴۱۱ ، ج ۲ ،ص ۱۷۵)

(۲۲۹)۔۔۔۔۔۔ حضرتِ سیدنا سہل بن حنیف رضی اللہ تعالیٰ عنہ سے روایت ہےكہ نبي مُکَرَّم،نُورِ مُجسَّم، رسول اکرم، شہنشاہ ِبنی آدم صلَّی اللہ تعالیٰ علیہ واٰلہٖ وسلّم نے فرمایا،'' جو اپنے گھر سے وضو کرکے مسجد قبا ء میں آئے پھر اس مسجد میں نَماز پڑھے اسے ایک عمرے کا ثواب دیا جائے گا ۔''

 (مسند امام احمد ،ج۵،رقم۱۵۹۸۱، ص۴۱۱)

     ایک اور روایت میں ہے کہ'' جس نے احسن طریقے سے وضو کیاپھر مسجد قباء میں داخل ہوکر چار رکعتیں اداکیں تو اس کا یہ عمل ایک غلام آزاد کرنے کے برابر ہے۔''

  (الترغیب والترہیب ، کتاب الحج ،باب الترغیب فی الصلوۃ ،ج۲،رقم۱۸، ص۱۴۲)

    حضرتِ سیدنا عامر بن سعدا ورحضرتِ سیدتنا عائشہ بنت سعد نے اپنے والد حضرتِ سیدنا سعد بن ابی وقاص رضی اللہ تعالی عنہم کو فرماتے ہوئے سناکہ'' مجھے مسجد قباء میں نَماز پڑھنامسجد اقصیٰ میں نَماز پڑھنے سے زیادہ پسند ہے ۔''