Brailvi Books
 |
جنتی زیور |
333 - 676
مسئلہ:۔اگر ضرورت ہو تو قبر پر نشان کے لئے کچھ لکھ سکتے ہیں مگر ایسی جگہ نہ لکھیں کہ بے ادبی ہو۔
(الدرالمختارمع ردالمحتار،کتاب الصلٰوۃ،مطلب فی دفن المیت،ج۳،ص۱۷۰)
مسئلہ:۔قبر پر بیٹھنا سونا چلنا پھر نا پیشاب پاخانہ کرنا قبر پر تھوکنا حرام ہے کہ اس سے قبر والے کو تکلیف پہنچے گی اسی طرح قبرستان میں جو تا پہن کر نہ چلے۔ ایک آدمی کو رسول اﷲ صلی اللہ تعالیٰ علیہ واٰلہٖ وسلّم نے جوتیاں پہن کر قبرستان میں چلتے دیکھا تو فرمایا کہ اے شخص جوتیاں اتار لے نہ تو قبر والے کو تکلیف دے اور نہ قبر والا تجھ کو تکلیف دے۔
(الدرالمختارمع ردالمحتار،کتاب الصلٰوۃ،مطلب فی اھداء ثواب القرأۃ للنبی صلی اللہ علیہ وسلم ،ج۳،ص۱۸۳)