Brailvi Books
 |
جنّت کی دوچابیاں |
23 - 152
ہوجائے تو مشرق ومغرب کی ہر چیز اس کی پاکیزہ خوشبو سے بھر جائے۔جنتی شخص اپنی مسہری پر بیٹھا ہوگا اچانک اس کے سر پرایک نور ظاہر ہوگا وہ گمان کریگا کہ شاید اللہ عز وجل اپنی مخلوق پرنگاہ کرم فرمارہا ہے لیکن جب وہ اس نور کو دیکھے گا تووہ ایک حور ہوگی جو یہ کہہ رہی ہوگی :'' اے اللہ عز وجل کے ولی ! کیا تمہارے پاس ہمارے لیے وقت نہیں ہے ؟ ''وہ پوچھے گا :'' تم کون ہو؟ ''تووہ کہے گی:'' میں ان حوروں میں سے ہوں جن کے بارے میں اللہ تبارک وتعالیٰ نے فرمایا ہے
وَلَدَیۡنَا مَزِیۡدٌ ﴿۳۵﴾
ترجمہ کنزالایمان : اور ہمارے پاس اس سے بھی زیادہ ہے ۔(قۤ:۳۵)'' پھر وہ اس کی طرف رخ کرے گا تو دیکھے گاکہ اس کے پاس جو حسن وجمال ہے وہ پہلے والی حوروں میں نہیں ۔
پھر جب وہ اس حور کے ساتھ اپنی مسہری پر بیٹھا ہوگاتواسے ایک او رحور پکارے گی :''اے اللہ عز وجل کے ولی ! کیا تمہارے پاس ہمارے لیے وقت نہیں ؟ ''وہ پوچھے گا:'' تم کون ہو؟ وہ کہے گی :''میں ان حوروں میں سے ہوں جن کے بارے میں اللہ عز وجل نے فرمایاہے:فَلَا تَعْلَمُ نَفْسٌ مَّاۤ اُخْفِیَ لَہُمۡ مِّنۡ قُرَّۃِ اَعْیُنٍ ۚ جَزَآءًۢ بِمَاکَانُوۡایَعْمَلُوۡنَ ﴿۱۷﴾