Brailvi Books

     حضرتِسَیِّدُ نا عبد اللہ بِن سلام رضی اللہ تعالیٰ عنہ فرماتے ہیں کہ جب آقائے نامدار،رسولوں کے سالار،شہنشاہِ والا تبار صلی اللہ تعالیٰ علیہ واٰلہ وسلم مدینہ پُر اَنوار تشریف لائے تو لوگ جُوق درجُوق آپ صلی اللہ تعالیٰ علیہ واٰلہ وسلم کی بارگاہ میں حاضِر ہو نے لگے۔ میں بھی اُن لوگوں میں شامل تھا ۔جب میں نے آپ صلی اللہ تعالیٰ علیہ واٰلہ وسلم کے چہرہ مبارک کو غور سے دیکھااورچھان بِین کی تو جان لیا کہ یہ کسی جُھوٹے کا چِہرہ نہیں اور پہلی بات جو میں نے رسول ِاکرم صلی اللہ تعالیٰ علیہ واٰلہ وسلم سے سُنی وہ یہ تھی کہ ''اے لوگو ! سلام کو عام کرو اور محتاجوں کو کھاناکِھلایا کرو اور صِلہ رحمی اِختیا رکرو اور رات کو جب لوگ سو رہے ہوں تونماز پڑھا کرو جَنّت میں سلامتی کے ساتھ داخل ہو جاؤ گے۔ ''