Brailvi Books
 |
جنّت کی تیاری |
37 - 134
اولاد کو پکّا دُنیا دار بنانے والے، اپنے بچوں کو دعوتِ اسلامی کے مدرسۃ المدینہ اور جامعۃ المدینہ میں داخل کروا کر حافظ و عالِم و مبلغ بنانے لگے۔بے پردہ و بے عمل نادان بہنیں ،با پردہ و با عمل ہو کر معلمہ ،مدرسہ ،مبلغہ بنیں اور ا ن کے جا بجا باپردہ اجتماعا ت ہونے لگے ۔بے نمازی نہ صرف نمازی بلکہ قاری اور امام و خطیب بننے لگے ۔ خُشک مزاج لذّتِ عشق اور فاسق،تقوٰی و پرہیز گاری بلکہ کُفّار تک نعمتِ اسلام پانے لگے۔واہ کیا بات ہے امیرِ اہلسنّت دَامَتْ بَرَکَاتُہُمُ الْعَالِیَہ کی ۔
میٹھے میٹھے اسلامی بھائیو!کاش!ہم پر بھی امیرِ اہلسنّت دَامَتْ بَرَکَاتُہُمُ الْعَالِیَہ کی ایسی سیدھی اور میٹھی نظر پڑ جائے کہ ہم نہ صرف نیک بلکہ نیک بنانے کا مدنی جذبہ پا جائیں ۔عمل کا ہو جذبہ عطا یا الٰہی گناہوں سے مجھ کو بچا یاالٰہی (عزوجل) میں پانچوں نمازیں پڑھوں با جماعت ہو توفیق ایسی عطا یاالٰہی(عزوجل) پڑھوں سُنّتِ قَبلیہ وقت ہی پر ہوں سارے نوافل ادا یاالٰہی (عزوجل) دے شوقِ تلاوت دے ذوقِ عبادت رہوں باوضو سدا یاالٰہی (عزوجل) ہو اَخلاق اچھا ہو کردار سُتھرا مجھے مُتّقی تُو بنا یاالٰہی (عزوجل) غُصیلے مِزاج اور تَمسخُر کی خصلت سے مجھ کو بچا لے بچا یاالٰہی (عزوجل )