Brailvi Books
 |
جنّت کی تیاری |
12 - 134
کنواری پائیگا مگر اُس کی وجہ سے مرد و عورت کسی کو کوئی تکلیف نہ ہو گی ۔جَنّت کی عورت سات سَمُندروں میں تُھوکے تو وہ شہد سے زیادہ شیریں ہو جائیں ۔جب کوئی بندہ جَنّت میں جائیگا تو اُس کے سِرہانے اور پائنتی (پاؤں کی طرف)میں دو حُورَیں نہایت اچھی آواز سےگائیں گی مگر اُن کا گانا شیطانی مَزَامِیر(آلاتِ موسیقی)نہیں بلکہ اللہ عَزَّوَجَلَّ کی حَمد و پاکی ہو گا وہ ایسی خُوش گُلُو ہو نگی کہ مخلوق نے ویسی آواز کبھی نہ سُنی ہو گی اور یہ بھی گائیں گی کہ ہم ہمیشہ رہنے والیاں ہیں کبھی نہ مریں گی، ہم چین والیاں ہیں کبھی تکلیف میں نہ پڑیں گی،ہم راضی ہیں ناراض نہ ہوں گی۔ مُبارک باد اُس کے لئے جو ہمارا اور ہم اس کے ہوں ،ادنیٰ جَنّتی کے لئے 80ہزار خادم اور 72ہزاربِیبِیاں (بیویاں)ہوں گی۔(بہارِ شریعت،حصہ۱،ص،۷۹،۸۴)
داخلِ خُلد ہم کو جو فرمائے تُو ہم ہوں اور حوروغِلماں لبِ آبجو اور جامِ طہور اور مینا سبُو دیکھیں اعداء تو رہ جائیں پی کر لہو اللہ اللہ، اللہ، اللہ،
(سامانِ بخشش از شہزادہ اعلٰی حضرت مصطفٰی رضا خان علیہ رحمۃ الرحمٰن،ص۱۶)
صَلُّو ا عَلَی الْحَبِیب ! صلَّی اللہُ تعالٰی علٰی محمَّد