Brailvi Books
 |
جہنم کے خطرات |
85 - 205
حدیث:۶
حضرت ابوبکر بن سلیمان رضی اللہ تعالیٰ عنہ سے مروی ہے کہ امیر المومنین حضرت عمر رضی ا للہ تعالیٰ عنہ نے حضرت سلیمان رضی اللہ تعالیٰ عنہ کو صبح کی نماز میں مسجد کے اندر نہیں پایا اور آپ صبح ہی کو بازار گئے۔ حضرت سلیمان رضی ا للہ تعالیٰ عنہ کا مکان مسجد اور بازار کے درمیان میں تھا، تو امیر المومنین نے حضرت سلیمان رضی ا للہ تعالیٰ عنہ کی ماں حضرت شفاء رضی اللہ تعالیٰ عنہا سے فرمایا کہ میں نے صبح کی نماز میں سلیمان رضی اﷲ تعالیٰ عنہ کو نہیں دیکھا تو اُنہوں نے کہا کہ وہ رات بھر نماز پڑھتا رہا ہے پھر اس کی آنکھیں اس پر غالب ہو گئیں اور وہ سو گیا۔ تو ا میر المومنین حضرت عمر رضی ا للہ تعالیٰ عنہ نے فرمایا کہ میں صبح کی نماز جماعت سے پڑھوں یہ مجھے ساری رات نماز نفل پڑھنے سے زیادہ محبوب ہے۔(مشکوۃ المصابیح،کتاب الصلوۃ،باب الجماعۃوفضلھا،الفصل الثالث، الحدیث: ۱۰۸۰، ج۱،ص۳۱۶۔الموطا للامام مالک ،کتاب صلاۃ الجماعۃ،باب ماجاء فی العتمۃ والصبح، الحدیث:۳۰۰، الجزء الاول،ص۱۳۴)
جماعت چھوڑنے کے اعذار
مندرجہ ذیل عذروں کی وجہ سے اگر کوئی جماعت چھوڑ دے تو گنہگار نہ ہو گا۔ (۱) مریض جسے مسجد تک جانے میں مشقت ہو ۔ (۲) اپاہج (۳)وہ جس کا پاؤں کٹ گیا ہو ۔ (۴) جس پر فالج گرا ہواہو۔ (۵) اتنا بوڑھا کہ مسجد تک جانے سے عاجز ہو۔ (۶) اندھا اگرچہ اندھے کیلئے کوئی ایسا ہو کہ جو ہاتھ پکڑ کر مسجد تک پہنچا دے۔ (۷)سخت بارش (۸) شدید کیچڑ کا حائل ہونا ۔