Brailvi Books

ترجمۂ کنز الایمان:پھرجب چاند چمکتا دیکھا بولے اسے میرا رب بتاتے ہو۔(پ7، الانعام:77)

    کیونکہ آپ علی نبینا وعلیہ الصلوٰۃ و السلام نے یہ بات استفہامِ انکاری کے طور پر ہی کہی تھی۔ اسی طرح اس آیتِ مبارکہ میں بھی یہ کہنا درست ہے اگرچہ حجیت اسی پر موقوف نہیں جیسا کہ ہمارے ثابت کردہ بیان سے ظاہر ہے۔ اس صورت میں اس کا معنی یہ ہوگا کہ وہ ایمان جو اس بندے کے قصد سے واقع ہوا وہ اللہ عزوجل کے اس قول''فَمِنَ اللہِ''سے ظاہر ہوا کہ وہ اس بندے سے واقع نہیں ہوا بلکہ اللہ عزوجل کی طرف سے ہوا ہے، لہٰذا وہ کفر جس کا نہ اس بندے نے قصد کیا، نہ ارادہ اور نہ ہی کبھی اس پر راضی ہوا تو عقل میں یہ بات کیسے آ سکتی ہے کہ یہ کہا جائے کہ یہ کفر اس بندے سے واقع ہوا ہے، بلکہ یہ تو بدرجۂ اَولیٰ اللہ عزوجل کی طرف سے ہے کیونکہ یہ بات ثابت ہو چکی ہے کہ جب وہ چیز جس میں نفس کی رغبت ہو، قصد ہواور ارادہ ومحبت بھی ہوتو وہ نفس سے نہیں بلکہ اللہ عزوجل کی جانب سے ہوتی ہے۔ تو جس میں نہ نفس کا حصہ ہو، نہ محبت اور نہ ہی قصدوارادہ تووہ چیز تو بدرجۂ اَولیٰ اللہ عزوجل ہی کی جانب سے ہو گی، اوراللہ عزوجل نے آیتِ مبارکہ کے آخرمیں ارشاد فرمایا: