Brailvi Books
 |
اظہار الحق الجلی (اعلی حضرت سے سوال و جواب) |
88 - 103
اقوال سے مغالطہ دے کر یہ چاہتے ہیں کہ اہلسنّت کی مسجدیں چھین لیں ان میں خود امامت کریں اور اہلسنّت بحکم علماء اپنی ان مساجد کو چھوڑ کر، نماز کے لئے اور مسجدیں ڈھونڈتے پھریں ۔ یہ مساجد کو اچھا عام عبادت کے لئے ماناکہ اصل جس کی بنائی ہوئی ہیں انہیں کو وہاں سے نکل جانے کاحکم ہوا، اس قول میں بھی کہ اصل جماعت کا ثواب ملے گا،وہ فاسق و مبتدع مراد ہے جس پر لزوم کفر(۱)نہ ہو،ورنہ نماز باطل محض ہوگی، جیسے غیر مقلّدین کے پیچھے، جیسا کہ اوپر بیان ہوچکا ۔ سوال نمبر ۱۱۸:کتاب ''درمختار'' کو آپ مانتے ہیں یا نہیں ؟ اوریہ آپ کی کتاب ہے یانہیں؟ اورآپ اس پر عمل کرتے ہیں یانہیں ؟ جواب: ہے ۔اور عمل ''مفتیٰ بہ'' پر ہوتا ہے۔ سوال نمبر ۱۱۹:جو مسئلہ سوال نمبر ۱۱۷ میں بیان کیا گیا ہے وہ اس کتاب میں ہے یا نہیں؟ جواب :اسی تفصیل کے ساتھ ہے جومیں نے ذکر کی ۔ سوال نمبر ۱۲۰:مکروہ یاحرام کے قول کوترک کرنے سے تھوڑا بہت ثواب ملتاہے یا نہیں؟ جواب :جو کام اپنی حدذات میں نیک ہو اور حرمت وکراہت، کسی بیرونی عارضی بات
ــــــــــــــــــــــــــــــــــــــ ۱۔لزوم کفر اور التزامِ کفر میں فرق ہے ۔لزوم کفر کا مطلب یہ ہے کہ کسی قول کا'' کفریہ ''ہونا لیکن یہ ضروری نہیں کہ اس قول کا قائل بھی کافر ہو، جبکہ التزام کفر کی صورت میں قول'' کفر'' ہونے کے ساتھ ساتھ قائل بھی کافر ہوجاتا ہے ۔اس مسئلہ کی تفصیل کے لئے استاذی المکرم،فقیہ العصر قبلہ مفتی ڈاکٹرمحمد ابوبکر صدیق عطاری دامت برکاتہم العالیہ کی مایہ نازتصنیف''رسائل ضیائیہ''ملاحظہ فرمائیں ۔