Brailvi Books
 |
اظہار الحق الجلی (اعلی حضرت سے سوال و جواب) |
52 - 103
جواب :ایسے لوگ ہرگزسنی مسلمان، نہیں۔ سوال نمبر ۳۴:اسلام میں اصلی قانون کیا ہے ؟ جواب:فقط کلام اﷲشریف ۔ سوال نمبر ۳۵:اسلام میں اصلی قانون قرآن مجید وحدیث شریف ہے یانہیں ؟ جواب :حدیث بھی اصلی قانون نہیں بلکہ قرآن مجید کی تابع ہے ۔ کلام مجید ہی نے حکم فرمایا ہے کہ حدیث و اجماع وآئمہ کی اطاعت کرو،اسی لئے چار اصول ٹھہرے ۔ سوال نمبر۳۶:جب مسلمانوں میں کسی امر میں نزاع اور اختلاف واقع ہوتو ایسی حالت میں اﷲتعالیٰ نے قرآن مجید میں اصلی قانون کی طرف رجوع کرنے کاحکم دیا ہے یانہیں؟ جواب:قانون اصلی اور قانون تابع دونوں کی طرف رجوع کا حکم دیا ہے او ر وہ بھی حقیقتاًقانون اصلی ہی کی طرف رجوع ہے کہ قانون تابع، قانون اصلی کی طرف رجوع کرتا ہے۔ قرآن مجید میں فرمایا :
(وَلَوْرَدُّوْہُ اِلیَ الرَّسُوْلِ وَاِلٰی اُولِی الْاَمْرِ مِنْھُمْ لَعَلِمَہُ الَّذِیْنَ یَسْتَنْبِطُوْنَہ، مِنْھُمْ )(1)۔
دیکھو اس آیت نے قانون تابع، مجتہدین کی طرف رجوع کاحکم دیا اور قیاس آئمہ کو ثابت کیا ہے۔دیکھو ''معالم التنزیل(۲)''وغیرہ ۔ غیرمقلّدین اس قانون تابع کی طرف رجوع کے منکر ہوکر خاص، حکم قانون اصلی کے منکر ہوبیٹھے ۔
ــــــــــــــــــــــــــــــــــــــ ۱۔ترجمہ کنزالایمان:اگر اس میں رسول اور اپنے ذی اختیار لوگوں کی طرف رجوع لاتے تو ضرور ان سے اسکی حقیقت جان لیتے(پ ۵، النساء:۸۳) ۲۔تفسیر البغوي المسمّی ''معالم التنزیل'' پ۵،النساء:۸۳،ج۱،ص۳۶۳،دارالکتب العلمیۃ ،بیروت