Brailvi Books
 |
اظہار الحق الجلی (اعلی حضرت سے سوال و جواب) |
31 - 103
سوال نمبر ۳۹ :کیاسب مسلمان جو امت اجابت ہوں یعنی اہلسنّت ہوں، ان سب کا حق مسجد میں برابر ہے ؟ جواب :ان سب کاحق بھی برا بر نہیں ۔بلکہ جومسجد جس قبیلے کے لئے بنے، اس کا حق اس میں مقدم ہے ۔وہ وقتِ حاجت، اوروں کو اس میں نماز پڑھنے سے روک سکتے ہیں ۔ دیکھو درمختار(۱)۔ سوال نمبر ۴۰ :کسی وجہ اور کسی مصلحت سے مسلمان کو، جس کاحق مسجد میں تھا، نکال دینا جائز ہے یا نہیں ؟ اور روکنے والابموجب آیت شریف
((وَمَنْ اَظْلَمُ مِمَّنۡ مَّنَعَ مَسٰجِدَ اللہِ )
الآیۃ(۲) کے، ظالم کہلائے گا یا نہیں ؟ جواب : بہت سی صورتوں میں مسلمان کو مسجد سے روکنا اور نکال دینا شریعت نے جائزرکھا ہے بلکہ حکم دیاہے، ازاں جملہ لہسن اور کچی پیاز کھانے والا اورحدیث میں ہے
''من وجب سعۃ ولم یضح فلا یقربن مصلانا''(۳)