Brailvi Books
 |
اسلامی بہنوں کی نماز |
61 - 308
ہیں۔ اور اگر آثار نہ ہوں ، مگر وہ خود کہیں کہ ہم بالِغ وبالِغہ ہیں اورظاہِر حال ان کے قول کی تکذیب نہ کرتا(یعنی جھٹلاتا نہ) ہو تو بھی بالِغ وبالِغہ سمجھے جائیں گے اورتمام اَحکام ،بُلُوغ کے نِفاذ پائیں گے اور(لڑکے کے) داڑھی مونچھ نکلنا یا لڑکی کے پِستان(چھاتی) میں اُبھار پیدا ہونا کچھ مُعْتَبَر نہیں ۔
(فتاوٰی رضویہ ج19ص630)
وَسوَسوں کا ایک سبب
غُسل خانے میں پیشاب کرنے سے وَسوَسے پیداہوتے ہيں۔ حضر تِ سيِّدُنا عبداللہ بن مُغَفَّل رضی اللہ تعالیٰ عنہ سے روايت ہے کہ رسولِ کريم ،رء وفٌ رَّحيم علیہ افضل الصلٰوۃِ وَالتَّسليم نے ارشاد فرمایا: ''کوئی شخص غُسل خانے میں پیشاب نہ کرے ، جس میں پھروہ نہائے یا وُضو کرے کیونکہ اکثر وسوسے اِسی سے ہوتے ہیں۔''