(ترجمہ: اے جِنّ و اِنس کے فریاد رس اور اے دونوں طرف (یعنی ماں باپ دونوں ہی کی جانب )سے بُزُرگ! میری فریاد کو پہنچئے اور میری مدد کیجيے میری حاجت پوری ہونے میں، اے حاجتوں کے پورا کرنے والے۔ ) پھرحُضُورِ اقدس صلی اللہ تعالیٰ علیہ واٰلہٖ وسلّم کو وَسیلہ بنا کر اللہ تعالیٰ سے اپنی حاجت کے لئے دعا مانگے۔ (عَرَبی دعا ؤں کے ساتھ ترجَمہ پڑھنا ضروری نہیں)
(بہارشریعت حصہ۴،ص۳۵،بہجۃ الاسرار،ص۱۹۷)
حُسنِ نیّت ہو، خطا تو کبھی کرتا ہی نہیں
آزمایا ہے یگانہ ہے دُوگانہ تیرا
صَلُّو ا عَلَی الْحَبِیب ! صلَّی اللہُ تعالیٰ علیٰ محمَّد
حضرتِ سیِّدُنا حُذَیفہ رضی اللہ تعالیٰ عنہ سے روایت ہے کہ ''جب حُضُورِ اکرم، نُورِ مُجَسَّم، شاہِ بنی آدم،رسولِ مُحتَشَم،شافِعِ اُمَم صلَّی اللہ تعالیٰ علیہ واٰلہٖ وسلَّم کو کوئی امرِ اَہم پیش آتا تو نَماز پڑھتے۔''
(سُنَنِ اَ بُو دَاو،د ، حدیث۱۳۱۹ج۲ص۵۲)
