Brailvi Books

    منقول ہے کہ بزرگانِ دین میں سے دو اشخاص آپس میں دوست تھے۔ان میں سے ایک خواہشِ نفس کے تحت کسی کے عشق میں مبتلاء ہو گیا اور اپنے دوست سے کہاکہ''میرا دل بیمار ہو گیا ہے ،اگر تو چاہتا ہے کہ مجھ سے محبت و دوستی کا تعلق ختم کر لے تو تجھے اس کا اختیار ہے ۔''اس کے دوست نے جواب دیا کہ ''معاذ اللہ! یہ کیسے ہو سکتا ہے کہ صرف ایک گناہ کی وجہ سے میں تجھ سے رشتہئ دوستی منقطع کر لوں۔''پھر اس نے پختہ ارادہ کر لیا کہ جب تک اللہ تعالیٰ میرے دوست کو اس گناہ سے نجات عطا نہ کریگا ، میں کھانا نہ کھاؤں گا۔''

    پھر وہ وقتاً فوقتاً اس سے پوچھتا رہتا کہ ''کیاحال ہے؟''وہ یہی جواب دیتا کہ ''بدستور مبتلائے مرض ہوں۔''یہ دوست مسلسل کھانے سے کنارہ کش رہااور غم میں اندر ہی اندر گھلتا رہا،آخر ِکاراس کا جذبہئ اصلاح، اللہ تعالیٰ کی بارگاہ میں مقبول ہو گیا اور ایک دن وہ دوست اس کے پاس آیا اور خوشخبری سنائی کہ''الحمد للہ عزوجل!اللہ تعالیٰ نے مجھے اس مرض سے نجات عطا کر دی ہے اور میرا دل معشوق کے عشق سے متنفر ہو گیا ہے ۔''جب اس نے یہ سنا تواللہ تعالیٰ کا شکر ادا کیااور پھر کھانا کھایا۔