Brailvi Books

    حضرتِسیدنا ابو حمید ساعدی رضی اللہ تعالی عنہ کی زوجہ ام حمیدرضی اللہ عنہا فرماتی ہیں کہ میں نے رسول ِاکرم صلی اللہ تعالیٰ علیہ واٰلہٖ وسلَّم کی بارگاہ میں حاضر ہوکر عرض کیا ،''یارسول اللہ صلی اللہ تعالیٰ علیہ واٰلہٖ وسلَّم !میں آپ کے ساتھ نَماز پڑھنا پسند کرتی ہوں ۔''تو آپ صلی اللہ تعالیٰ علیہ واٰلہٖ وسلَّم نے(انہیں سمجھاتے ہوئے ) فرمایا، ''میں جانتا ہوں کہ تم میرے ساتھ نَماز پڑھنا پسند کرتی ہولیکن تمہارا کمرے میں نَماز پڑھنا صحن میں نَماز پڑھنے سے بہتر ہے اور تمہارا صحن میں نَماز پڑھنااحاطے میں نَماز پڑھنے سے بہتر ہے اور تمہارا احاطے میں نَماز پڑھنا اپنے محلے کی مسجد میں نَماز پڑھنے سے بہتر ہے اور تمہار ااپنے محلے کی مسجد میں نَماز پڑھنا میری مسجد میں نَماز پڑھنے سے بہتر ہے ۔''راوی کہتے ہیں کہ (یہ سننے کے بعد) ام حمید رضی اللہ عنہا نے اپنے گھرکے ایک کونے میں مسجد بنانے کا حکم دیا اور جب تک زندہ رہیں اسی کونے میں نَماز پڑھتی رہیں ۔''