( 1) حضرت سیدنا ابوبکر صدیق رضی اللہ تعالی عنہ پر انفرادی کوشش
حضرت سیدنا ابوبکرصدیق رضی اللہ تعالی عنہ فرماتے ہیں کہ'' جب میں یمن سے واپس مکہ مکرمہ پہنچا تو نبی اکرم صلی اللہ تعالی علیہ وسلم مبعوث ہو چکے تھے ۔ عقبہ بن ابی معیط ، شیبہ ، ربیعہ ، ابو جہل، ابو البختری اور دیگر صنادید قریش مجھ سے ملے ۔ انہوں نے کہا کہ'' اے ابوبکر ! ایک عظیم واقعہ ہوگیا ہے ، ابو طالب کے یتیم (یعنی محمد صلی اللہ تعالی علیہ وسلم)نے یہ دعوی کیا ہے کہ وہ نبی مرسل ہیں ۔ اگر تم نہ ہوتے تو ہم اس معاملہ میں انتظار نہ کرتے ، اب تم آگئے ہو تو اس کا فیصلہ کرنا تم پر موقوف ہے ۔ ''میں نے انہیں احسن طریقے سے واپس کیا پھر نبی اکرم صلی اللہ تعالی علیہ وسلم کے بارے میں پوچھا
