Brailvi Books
 |
اِنفرادی کوشش |
156 - 200
میٹھے میٹھے اسلامی بھائیو!
کسی کی غم خواری کرنے سے جہاں ہمیں تنظیمی طور پر فائدہ حاصل ہوگا وہیں اُخروی فضائل بھی ملیں گے ۔
(i) حضرتِ جابررضی اللہ تعالی عنہ سے روایت ہے کہ رسول اللہ صلی اللہ تعالی علیہ وسلم نے فرمایا ''جو کسی غمزدہ شخص سے تعزیت (یعنی اس کی غم خواری)کر ے گا اللہ عَزَّوَجَلَّ اسے تقوی کا لباس پہنائے گا اور روحو ں کے درمیان اس کی روح پر رحمت فرمائے گا اور جو کسی مصیبت زدہ سے تعزیت کریگا اللہ عَزَّوَجَلَّ اسے جنت کے جوڑوں میں سے دوایسے جوڑے عطا کریگا جن کی قیمت دنیا بھی نہیں ہوسکتی۔''(المعجم الاوسط طبرانی ج۶ ص ۴۲۹ رقم ۹۲۹۲)
(i) حضرت ثوبان رضی اللہ تعالی عنہ سے مروی ہے کہ حضور اقدس صلی اللہ تعالی علیہ وسلم نے فرمایا ''مسلمان جب اپنے مسلمان بھائی کی عیادت کو گیا تو واپس ہونے تک جنت کے پھل چننے میں رہا۔''
(بخاری رقم الحدیث ۲۵۶۸ ص۱۳۸۹ )