Brailvi Books

اِنفرادی کوشش

134 - 200

    (۱۱) حضرتِ جابر رضی اللہ تعالی عنہ سے روایت ہے تاجدارِ مدینہ صلی اللہ تعالی علیہ وسلم نے فرمایا کہ ''ہر نیکی صدقہ ہے اور تمہارا کسی سے خندہ پیشانی سے ملنا بھی نیکی ہے اور اپنے ڈول سے اپنے بھائی کے برتن میں پانی ڈالنا بھی نیکی ہے ۔''

(المسند احمد بن حنبل ، ج۵، ص ۱۱۲، رقم ۱۴۷۱۵ )

     (۱۲) حضرتِ ابو ذر رضی اللہ تعالی عنہ سے روایت ہے نبی اکرم صلی اللہ تعالی علیہ وسلم نے فرمایا،'' کسی نیک کام کو ہرگز حقیر نہ جانو اگرچہ وہ تمہارا اپنے بھائی سے خندہ پیشانی سے ملنا ہی کیوں نہ ہو ۔''

(مسلم کتاب البر والصلۃ ،با ب فی صنائع المعروف ،ص ۱۴۱۳، رقم :۲۶۲۶)

(۱۳) حضرت سیدناابوذرغفاری رضی اللہ تعالی عنہ مرفوعًا روایت فرماتے ہیں کہ حضوراکرم صلی اللہ تعالی علیہ وسلم نے ارشاد فرمایا،'' اپنے ڈول(برتن) سے دوسرے بھائی کا ڈول(برتن)بھرنا تیرا صدقہ ہے ، تیرا نیکی کا حکم کرنا اوربرائی سے منع کرنا صدقہ ہے ، تیرا مسلمان بھائی کے لیے مسکرانا صدقہ ہے اورتیراکسی بھٹکے ہوئے کو راستہ دکھانا صدقہ ہے۔

انفرادی کوشش کرنے والے کو چاہئے کہ وہ سنت کے مطابق سادہ اور صاف ستھرا لباس پہننے کا عادی ہو۔ کیونکہ اگر اس کے کپڑے میلے کچیلے نظر آئیں گے تو لوگ اس سے ملنے سے کترائیں گے ۔خوش لباسی سے ہمیں تنظیمی فوائد کے ساتھ ساتھ درجِ ذیل برکتیں بھی نصیب ہوں گی ان شاء اللہ عزوجل