الحمدللہ عزوجل ! قوتِ گویائی سے محروم یعنی گونگے اسلامی بھائی بھی دعوتِ اسلامی کے مدنی ماحول سے وابستہ ہیں ۔ جن کی تربیت اشاروں کی زبان میں کی جاتی ہے ۔ اور تربیت کرنے والے اسلامی بھائی حقیقتاًگونگے نہیں ہوتے لیکن وہ اشاروں کی زبان میں گفتگو کرنا جانتے ہیں ۔ ایک مرتبہ بہت سے گونگے اسلامی بھائی امیرِ اہلِ سنت مدظلہ العالی کی بارگاہ میں حاضر ہوئے ۔ان میں ایک گونگا ایسا تھا جوبدمذہبوں کے عقائد کی طرف مائل تھا ۔ کسی نے امیرِ اہلِ سنت مدظلہ العالی کو اس کے بارے میں بتایا تو آپ نے ان کی تربیت کرنے والے اسلامی بھائی کے ذریعے اس سے گفتگو کی ۔ الحمد للہ عزوجل ! آپ کی انفرادی کوشش کی برکت سے وہ گونگا اپنے برے عقائد سے تائب ہوگیا ۔
