Brailvi Books

    لکھ کر دہرا لینے کے بعدکسی دوسرے اسلامی بھائی کو زبانی سنا کر محفوظ ترین بنا لیجئے کہ ایک دوسرے کو سنا کر یاد کرنا صحابہ کرام علیھم الرضوان کی سنت بھی ہے جیسا کہ ۔۔۔۔۔۔

    (۱)حضرت سیدناانس رضی اللہ تعالی عنہ فرماتے ہیں کہ ہم لوگ رسولِ اکرم صلی اللہ تعالی علیہ وسلم کے ارشادات سنتے تھے ۔ پھر جب مدنی آقا صلی اللہ تعالی علیہ وسلم مجلس سے تشریف لے جاتے تو ہم لوگ آپس میں (آپ صلی اللہ تعالی علیہ وسلم کی زبان ِ اقدس سے نکلنے والے ارشادات کا ) دَور کرتے ۔ اس کا طریقہ یہ ہوتا کہ ایک شخص کل حدیثیں بیان کرتا اور سب سنتے پھر دوسرا، اس کے بعد تیسرا حتی کہ سب باری باری سناتے ۔ کبھی کبھی ساٹھ ساٹھ آدمی بھی مجلس میں ہوتے تھے ۔ جب ہم وہاں سے اٹھتے تو حدیثیں ہمیں اس طرح یاد ہوتیں کہ گویا ہمارے دلوں میں بو دی گئی ہیں ۔