Brailvi Books

تعریفی کلمات
{1}…حضرت سیِّدُنا امام ابوالحسن شاذِلی عَلَیْہِ رَحْمَۃُ اللّٰہِ الْوَالِیکے شاگردعارف باللّٰہ ابوالعباس مَرْسی عَلَیْہِ رَحْمَۃُ اللّٰہِ الْوَلِی فرماتے ہیں   کہ ’’حضرت سیِّدُناامام غزالی عَلَیْہِ رَحْمَۃُ اللّٰہِ الْوَالِی صدیقیت عظمیٰ کے مقام پر فائز تھے۔‘‘(۱)
{2}…حضرت سیِّدُناشیخ اکبرمُحْی الدِّین ابن عربی عَلَیْہِ رَحْمَۃُ اللّٰہِ الْوَلِی (متوفی۶۳۸ھ)فرماتے ہیں  : ’’حضرت سیِّدُنا امام غزالی عَلَیْہِ رَحْمَۃُ اللّٰہِ الْوَالِی  قطب کے درجے پرفائزتھے۔‘‘ (۲)
{3}…بعض بزرگوں   سے منقول ہے : ’’ قطب تین ہوتے ہیں  :(۱)… علوم کے قطب جیسے حضرت سیِّدُنا امام غزالی (۲)… احوال کے قطب جیسے حضرت سیِّدُنابایزیدبِسْطَامی اور(۳)…مقامات کے قطب جیسے حضرت پیرانِ پیرسیِّدُناشیخ عبدالقادر جیلانی  رَحْمَۃُ اللّٰہِ تَعَالٰی عَلَـیْہِم ۔(۳)
{4}…حضرت سیِّدُنا محمد بن یحییٰ نَیْشاپُورِی عَلَیْہِ رَحْمَۃُ اللّٰہِ الْوَلِی فرماتے ہیں  : ’’میرے استاذ محترم حضرت سیِّدُناامام غزالی عَلَیْہِ رَحْمَۃُ اللّٰہِ الْوَالِی کے مقام ومرتبہ کو صرف کامل عقل والا ہی پہچان سکتا ہے۔‘‘(۴)
{5}…حضرت سیِّدُناامام غزالی عَلَیْہِ رَحْمَۃُ اللّٰہِ الْوَالِی کے استاذمحترم اِمامُ الْحَرَمَیْن عبدالملک بن عبداللّٰہ  جُوَیْنِی عَلَیْہِ رَحْمَۃُ اللّٰہِ الْغَنِی نے ایک موقع پر ارشادفرمایا: ’’غزالی،علم کے بحر ذخّار(یعنی علم کاموجیں   مارتا سمندر)ہیں  ۔‘‘(۵)
{6}…خطیب ِ نَیْشاپُورامام ابو الحسن حضرت سیِّدُناعبدالغافر بن اسماعیل  عَلَـیْہِ رَحْمَۃُ اللّٰہِ الْوَکِیْل (متوفی۵۲۹ھ) فرماتے ہیں  :’’امام غزالی  عَلَیْہِ رَحْمَۃُ اللّٰہِ الْوَالِی  اسلام اور مسلمانوں   کے لئے حجت اور ائمہ دین کے پیشوا ہیں  ۔فصاحت وبلاغت ، اندازِ بیان و طرزگفتگواورتیزفہمی وذہانت میں   ان جیساآنکھوں   نے نہیں   دیکھا۔‘‘(۶)
{7}…حضرت سیِّدُناابو العباس احمد بن محمد المعروف ابن  خَلِّکان عَلَـیْہِ رَحْمَۃُ الرَّحْمٰن(متوفی۶۸۱ھ) فرماتے ہیں  :
۔۔۔۔۔۔۔۔۔۔۔۔۔۔۔۔۔۔۔۔۔۔۔
1…اتحاف السادۃ المتّقین، مقدمۃ الکتاب، ج۱، ص۱۴۔
        طبقات الشافعیۃ الکبری للسبکی، ج۶، ص۲۱۹۔
2…اتحاف السادۃ المتّقین، مقدمۃ الکتاب، ج۱، ص۱۳۔
3…المرجع السابق ۔  
4…المرجع السابق ۔
 5…المرجع السابق ۔
6…مرآۃ الجنان وعبرۃ الیقظان، ج۳، ص۱۳۷۔