Brailvi Books

 کونین صَلَّی اللہ تَعَالیٰ علیہ وَالہٖ وَسلَّم نے ارشاد فرمایا،'' جبرئیل امین علیہ السلام ہمیشہ ہمسائے کے حق کی نصیحت کرتے رہے یہاں تک کہ مجھے گمان ہوا کہ عنقریب ہمسایہ وراثت میں حصے دار بن جائے گا۔''

(۲۰۹)۔۔۔۔۔۔ حضرت سیدنا ابوامامہ باہلی رضی اللہ عنہ فرماتے ہیں کہ میں نے نبی کریم صَلَّی اللہ تَعَالیٰ علیہ وَالہٖ وَسلَّم کو فرماتے سناجبکہ وہ اپنی اونٹنی پر سوار تھے،کہ'' جبرئیل امین علیہ السلام ہمیشہ ہمسائے کے حق کی نصیحت کرتے رہے یہاں تک کے مجھے گمان ہوا کہ عنقریب ہمسایہ وراثت میں حصے دار بن جائے گا۔''

(۲۱۰)۔۔۔۔۔۔ حضرت انس بن مالک رضی اللہ عنہ سے مروی ہے کہ تمام مخلوق اللہ تعالیٰ کی عیال ہے اور اس کا سب سے پسندیدہ آدمی وہ ہے جو اس کی عیال کے لئے زیادہ نفع بخش ثابت ہو ۔

(۲۱۱)۔۔۔۔۔۔ حضرت سیدنا ابو شریح کعبی رضی اللہ عنہ فرماتے ہیں کہ میں نے رحمتِ عالم صَلَّی اللہ تَعَالیٰ علیہ وَالہٖ وَسلَّم کو فرماتے ہوئے سنا ،''جو اللہ اوریوم آخرت پر ایمان رکھتا ہے اسے چاہیے کہ ہمسائے سے اچھا سلوک کرے ۔''