Brailvi Books
 |
حسنِ اخلاق |
35 - 74
(۸۵)۔۔۔۔۔۔ حضرت سیدنا ابو ہریرہ رضی اللہ عنہ سے مروی ہے کہ حضورسرورِکونین صَلَّی اللہ تَعَالیٰ علیہ وَالہٖ وَسلَّم کا فرمان ِرغبت نشان ہے ، ''جس نے کسی مومن سے تکلیف ومصیبت کو دور کیا، اللہ تبارک وتعالیٰ اسکے لیے پُل صراط پر نورکے دو ایسے شعلے بنائے گا جس سے اتنا عالم چمکے گا کہ مخلوق اس کی چمک کی تاب نہ لاسکے گی۔''
(الترغیب والترہیب ، الترغیب فی التسیر علی المعسر ، ج۲، رقم ۱۰، ص۲۲)
(۸۶)۔۔۔۔۔۔ حضرت سیدنا ابو ہریرہ رضی اللہ عنہ فرماتے ہیں کہ اللہ کے حبیب ، بیمار دلوں کے طبیب صَلَّی اللہ تَعَالیٰ علیہ وَالہٖ وَسلَّم نے ارشاد فرمایا،'' جو کوئی مسلمان کی دنیوی مصیبت کو دور کریگا اللہ تعالیٰ قیامت میں اسکی مصیبت کو دور کریگا ، جو مسلمان کے عیب چھپائے گا اللہ تعالیٰ اسکے دنیا وآخر ت کے عیوب چھپائے گا ، اللہ بندے کی مدد کرتارہتاہے جب تک وہ اپنے بھائی کی مدد کرتاہے۔''
(صحیح مسلم کتاب الذکر والدعاء ،باب فضل الاجتماع علی تلاوۃ القرآن وعلی الذکر ،رقم ۲۶۹۹، ص۱۴۴۷)