Brailvi Books

 میری اورمیرے والد کی کوئی ناراضگی وجدائی نہیں ہے بلکہ میں نے تو حضورسرورِکونین صَلَّی اللہ تَعَالیٰ علیہ وَالہٖ وَسلَّم کو تین بار فرماتے سنا کہ ابھی تمہارے پاس ایک جنتی شخص آئے گا اورتینوں بار آپ ہی تشریف لائے،چنانچہ میں نے پختہ ارادہ کرلیا کہ میں آپ کے پاس ٹھہروں گااوردیکھوں گا کہ آپ کیا عمل کرتے ہیں ؟تاکہ میں بھی اُسکی پیروی کروں،لیکن میں نے آپ کو کوئی بڑی عبادت کرتے نہیں دیکھا تو پھر آپ کیسے اِس بلند مقام تک پہنچے کہ حضورسرکارِ مدینہ صَلَّی اللہ تَعَالیٰ علیہ وَالہٖ وَسلَّم نے آپ کے متعلق یہ بات ارشاد فرمائی؟'' انصاری صحابی نے جواب دیا ،''اورتو کوئی عمل نہیں بس یہی ہے جو تم نے دیکھا۔''حضرت سیدنا عبداللہ فرماتے ہیں کہ یہ بات سن کر میں نے روانگی کا ارادہ کیا، جب میں وہاں چلنے لگا تو اُس صحابی نے مجھے آواز دی اورکہا،'' میر اکوئی اورعمل نہیں بس یہی ہے جو تو نے دیکھا ،اسکے علاوہ میں کسی بھی مسلمان سے دھوکا نہیں کرتا اورجو اللہ تعالیٰ نے کسی کو دیا اُس پر حسد نہیں کرتا۔ ''حضرت سیدنا عبداللہ فرماتے ہیں کہ میں نے ان سے کہا،'' یہی وہ عمل ہے جس نے آپ کو رفعتیں بخشیں اور ہم اِس کی طاقت نہیں رکھتے۔''