Brailvi Books
 |
حسنِ اخلاق |
25 - 74
طرف کسی کا ذمہ کیسے نکل سکتاہے ؟ ''جواب ملے گا،''(وہ)جو لوگوں کو معاف کرنے والے تھے ۔'' پھر اس اس طرح لوگ کھڑے ہونگے اوربغیر حساب وکتاب جنت میں داخل ہوجائیں گے ۔''
(الترغیب والترہیب ، کتاب الحدود ، باب الترغیب فی العفو عن القاتل ،ج۳،رقم ۱۷، ص۲۱۱)
(۵۶)۔۔۔۔۔۔ حضرت سیدنا عقبہ بن عامررضی اللہ عنہ سے مروی ہے کہ میں رسول کائنات ، فخر موجودات صَلَّی اللہ تَعَالیٰ علیہ وَالہٖ وَسلَّم کی بارگاہ میں حاضر ہوا توحضورسرورِکونین صَلَّی اللہ تَعَالیٰ علیہ وَالہٖ وَسلَّم نے میرا ہاتھ پکڑا اورفرمایا، ''اے عقبہ ! کیا میں تمہیں دنیا وآخرت والوں میں سے اچھے اخلاق کے بارے میں نہ بتاؤں؟'' میں نے عرض کی ''ضرورارشاد فرمائیں۔'' رسول ِ اکرم صَلَّی اللہ تَعَالیٰ علیہ وَالہٖ وَسلَّم نے ارشادفرمایا ،''جو تم سے ناطہ توڑے تم اس سے جوڑو،جو تمہیں محروم کرے اُسکو عطا کرو اورجو تم پر ظلم کرے تم اُسے معاف کرو۔''
(مسند احمد بن حنبل ، ج۶،ص۱۴۸،رقم ۱۲۶)