Brailvi Books

'' لَآ اِلٰہَ اِلَّا اللہُ وَحْدَہٗ لَا شَرِیْکَ لَہٗ لَہُ الْمُلْکُ وَلَہُ الْحَمْدُ یُحْیِیْ وَیُمِیْتُ وَھُوَ حَیٌّ دَائِمٌ لَا یَمُوْتُ بِیَدِہِ الْخَیْرِ وَ اِلَیْہِ الْمَصِیْرُ وَھُوَ عَلٰی کُلِّ شَیْءٍ قَدِیْرٌ

تو اللہ عَزَّوَجَلَّ اس کے لئے دس لاکھ نیکیاں لکھ دیتاہے ،اس کے دس لاکھ گناہ مٹا دیتاہے اور دس لاکھ درجات بلند فرما دیتا ہے۔''

  (جامع الترمذی،کتاب الدعوات،باب مایقول اذا دخل السوق،الحدیث ۳۴۲۸،ص۲00۵)

    جب حضرتِ سیِّدُنا قتیبہ بن مسلم رضی اللہ تعالیٰ عنہ نے یہ حدیث ِ پاک سنی تو روزانہ اپنی سواری پر سوار ہو کر بازار جاتے اور یہ حدیث پاک بیان کر کے لوٹ آتے، اس وقت آپ رضی اللہ تعالیٰ عنہ وہاں کے امیر تھے۔

 (الاحادیث المختارۃ،مسندعمرفاروق رضی اللہ تعالی عنہ، الحدیث۱۸۷،ج۱،ص۲۹۷)

    اے میرے اسلامی بھائیو!دیکھو !ان اہلِ توحیدکا کردار دیکھو! شرم وحیاان کو اللہ عَزَّوَجَلَّ کا ذکر پھیلانے سے نہ روکتی تھی اوریہ لوگ تمام مخلوق کے سامنے اللہ عَزَّوَجَلَّ کی پاکی بیان کرنے سے پیچھے نہیں ہٹتے تھے ۔اللہ عَزَّوَجَلَّ کا فرمانِ عالیشان ہے:

''فَاذْکُرُوْنِیْ ۤ اَذْکُرْکُم ْ

ترجمۂ کنزالایمان:تو میری یاد کرو میں تمہارا چرچا کروں گا۔''(پ۲،البقرۃ:۱۵۲)

    حضرتِ سیِّدُنا ابوہریرہ رضی اللہ تعالیٰ عنہ سے مروی ہے،شہنشاہِ خوش خِصال، پیکرِ حُسن وجمال، دافِعِ رنج و مَلال، صاحب ِجُود ونوال، رسولِ بے مثال، بی بی آمنہ کے لال صلَّی اللہ تعالیٰ علیہ وآلہ وسلَّم ورضی اللہ تعالیٰ عنہا نے ارشاد فرمایا:''جس نے روزانہ سو بار

لَآ اِلٰہَ اِلَّا اللہُ وَحْدَہٗ لَا شَرِیْکَ لَہٗ لَہُ الْمُلْکُ وَلَہُ الْحَمْدُ وَھُوَ عَلٰی کُلِّ شَیْءٍ قَدِیْرٌ

کہا تو یہ اس کے لئے دس غلام آزاد کرنے کے برابر ہے، اس کے لئے سو نیکیاں لکھی جائیں گی اور سو گناہ معاف ہوں گے،اس دن شام تک شیطان سے حفاظت ہو گی اور اس سے افضل کسی کا عمل نہ ہوگا مگر اسی شخص کا جو اس سے زیادہ عمل کرے۔''

 (صحیح البخاری،کتاب الدعوات،باب فضل التھلیل،الحدیث۶۴0۳،ص۵۳۸)