Brailvi Books

 (اخبار مکۃ للفاکھی، ذکر المقام وفضلہ، الحدیث۹۶۸،ج۱، ص۴۴۳،مختصر وبتغیرٍ)

     میٹھے میٹھے اسلامی بھائیو! ہر گھر بیت اللہ نہیں اور نہ ہی ہرپہاڑعرفات ہے، نہ ہر توشہ مکہ تک پہنچاتا ہے۔ اے وہ شخص جس نے حج فوت کر دیا۔ اس کی طرف راستہ نہ پایا۔ اپنی عمر کھیل کود میں گزار دی اور گناہوں کا بھاری بوجھ اٹھائے رکھا۔ عصیاں کے میدان میں غفلت سے اپنے دامن کو گھسیٹا ،نجات طلب کی لیکن اس تک نہ پہنچا لہٰذا تو حج میں جلدی کر اور اپنے لئے اسلام کو رہنما بنا جس کا ادراک نہ کوئی آنکھ کر سکتی ہے اورنہ ہی عقلیں اور فکریں اس کی مثال و نظیر لاسکتی ہيں۔

خانہ کعبہ شریف شفاعت فرمائے گا:

    حضرتِ سیِّدُنا وہب بن منبِّہ رحمۃ اللہ تعالیٰ علیہ فرماتے ہیں، تورات شریف میں ہے کہ''اللہ عزَّوَجَلَّ بروزِ قیامت اپنے سات لاکھ مقرَّب فرشتوں کو بھیجے گا، جن میں سے ہر ایک کے ہاتھ میں سونے کی ایک زنجیرہوگی۔ اللہ عزَّوَجَلَّ فرمائے گا: ''جاؤ! اور بیت اللہ شریف کو ان زنجیروں میں باندھ کر محشرکی طرف لے آؤ۔'' فرشتے جائیں گے، ان زنجیروں سے باندھ کر کھینچیں گے اور ایک فرشتہ پکارے گا: ''اے کعبۃ اللہ!چل ۔'' توکعبہ مبارکہ کہے گا:''میں نہیں چلوں گا جب تک میرا سوال پورانہ ہو جائے۔''