Brailvi Books

ہی ہابیل نے یہ بھی کہہ دیاکہ اگر تو میرے قتل کے لئے ہاتھ بڑھائے گا تو میں تجھ پر اپنا ہاتھ نہیں اٹھاؤں گا کیونکہ میں اللہ عَزَّ وَجَلَّ سے ڈرتا ہوں۔ میں یہ چاہتا ہوں کہ میرا اور تیرا گناہ دونوں تیرے ہی پلے پڑیں اور تو دوزخی ہوجائے کیونکہ بے انصافوں کی یہی سزا ہے۔ آخر قابیل نے اپنے بھائی ہابیل کو قتل کردیا۔ بوقتِ قتل ہابیل کی عمر بیس برس کی تھی اور قتل کا یہ حادثہ مکہ مکرمہ میں جبلِ ثَور کے پاس یاجبل حرا کی گھاٹی میں ہوا اور بعض کا قول ہے کہ بصرہ میں جس جگہ مسجدِ اعظم بنی ہوئی ہے منگل کے دن یہ سانحہ ہوا۔ (1)(وَاللهُ تَعَالٰی اَعْلَم)
پیارے اسلامی بھائیو!قابیل کے حسد میں گرفتار ہو کر اپنے بھائی کو قتل کرنے سے معلوم ہوا حسد کتنی بری اور خطرناک قلبی بیماری ہے۔ اسی لئے پارہ 30، سورۃُ الفلق کی آخری آیتِ مبارکہ میں حاسد کے حسد سے پناہ مانگنے کی تلقین کی گئی ہے۔ چنانچہ ارشاد ہوتا ہے: 
وَ مِنۡ شَرِّ حَاسِدٍ اِذَا حَسَدَ ٪﴿۵﴾  ترجمۂ کنزالایمان:اور حسد والے کے شر سے جب وہ جلے۔
(پ۳۰،الفلق:۵) 

حَسَد کیا ہے؟
کسی کی دینی یا دُنیاوی نعمت کے زَوال (یعنی اس سے چھن جانے)کی تمنا کرنایا یہ
1 عجائب القراٰن مع غرائب القراٰن، ص ۸۵…  روح البیان،پ۶،المائدة: ۲۷ تا ۳۰، ۲/ ۳۷۹