Brailvi Books
 |
غیبت کی تباہ کاریاں |
83 - 504
فرمانِ مصطَفےٰ :(صلی اللہ تعالیٰ علیہ واٰلہٖ وسلّم)جو شخص مجھ پر درود پاک پڑھنا بھول گیا وہ جنت کا راستہ بھول گیا۔
دوسرے كی آنكھ كا تنكا تونظر آتا ہے مگر۔۔۔۔
یاد رکھئے!امام یا عالم صاحب کا کسی مسلمان سے نذرانہ ، دعوت یا مٹھائی قَبول کرناجائز کام ہے گناہ وحرام نہیں بلکہ اچّھی اچّھی نیّتیں ہو ں تو کارِ ثواب ہے۔ مُعترِض کو اپنی آمَدَنی پر نظردوڑانی چاہے ، حرام ہو تو اُس سے بھی نیز غیبتوں ، تہمتوں اور بدگمانیوں سے توبہ اور اس کے تقاضے پورے کرنے چاہیں ۔ غو ر تو کیجئے! جب آپ کسی کی طرف ایک انگلی اُٹھاتے ہیں تو ہاتھ کی تین انگلیوں کا رُخ خود آپ کی طرف ہوجاتا ہے گویا یہ خاموش تنبیہ (نوٹس)ہے کہ اُس کو بعد میں چھیڑنا پہلے اپنے آپ کوسُدھار!حضرتِ سیِّدُنا ابو ہُریرہ رضی اللہ تعالیٰ عنہ فرماتے ہیں: دوسرے کی آنکھ کا تنکا تو تمہیں نظر آجاتا ہے(یعنی ذرا ذراسی بات میں اس کا عیب بیان کرتا پھرتاہے) مگر اپنی آنکھ کا شَہتیر(یعنی بڑی لکڑی کا مطلب یہ کہ اپنا بَہُت بڑاعیب بھی)نظر نہیں آتا!
(ذَمُّ الْغِیبَۃلِابْنِ اَبِی الدُّنْیا ص۹۵ رقم۵۷)