Brailvi Books

نشے کی نُحوست)میں پڑ گیا،کاش! بے چارہ فُلاں بُرائی(مَثَلاً ہیروئین پینے)کامُرتکب نہ ہوتا!''درحقیقت وہ افسوس نہیں کررہے ہوتے اِس طرح کی باتیں کرکے اِس بہانے وہ اُس کی پولیں کھول ڈالتے ہیں مگر سمجھتے یہ ہیں کہ ہم اس سے مَحَبَّت اور ہمدردی کی وجہ سے ایسا کہہ رہے ہیں حالانکہ وہ غیبت کے گناہ میں پڑ چکے ہوتے ہیں ،ورنہ اپنے ماتحت یا شاگرد کا کیا خوف؟ پیچھے سے اِس طرح غیبت کرنے کے بجائے براہِ راست اُس کو سمجھا کر سچّی مَحَبَّت کا ثبوت دے سکتے تھے۔ بعض اوقات ایک شخص کسی کی بُرائی کودوسروں کے سامنے ظاہر کرتے ہوئے کہتا ہے:''میں نے اس کی بُرائی پر تم کو اِس لئے مُطّلع کیا ہے تاکہ تم اپنے بھائی کے لئے خُصُوصی دعا کرو۔''اپنے گمان میں یہ اسے ہمدردی و شفقت سمجھتا ہے لیکن حقیقت میں یہ غیبت کررہاہوتاہے۔اللہُ رَحمٰن عَزَّوَجَلَّ ہمیں شیطان کے خُفیہ واروں سے بچائے۔ہم اللہ ربُّ العِزّت کی بارگاہ ِ رحمت میں دعا کرتے ہیں کہ وہ مسلمانوں کی غیبت سے ہماری حفاظت فرمائے۔